(1881) Por si quiziaes, acasu.

link

A la vera d'un llugar
D'un llugar qu'hay en mio tierra,
Alzas' un monte muy altu,
Tan altu qu'amoria'l velu.

Tien isti monte una maña,
Una maña vocinglera,
Pos fala, como otros munchos,
masque non falen con elli.

Eco, los sabiondos llamen,
A estes zunes de les peñes,
Pero segun Mari-Xuaca
Non vé allí tales carneros.

Diz esta bruxa de vieya,
Diz esta vieya parlera,
Que'l ruxideru del monte
Ye na mas glayiu de pega:

Qu'hay montes que ruxen munchu
Por mor de la metalera
Y tamién del manetismo
Que yos fierve n'a mollera:

Pero qu'acá por Asturies,
Non vé riesgu de fogueres
Porque llueve al cau del añu
Munchu mas que se quixere.

Yo non sé lo que pensar
D'isti dichu de la vieya
Pero'l diañu ye'l pecau
Y el Señor nos libre d'elli.